..!حبيبك لاتفرط فيه ..!

تعالي نمد للعشاق من باقي الاماني حبـال
تعالي نعلم العالم جنـون الحـب وفنونـه
تعالي علم تعالي حلم وغني بالفرح مـوال
تعالي نردد الاهات تشق الصـدر بلحونـه
تتم بعيد واتم ابعد وليالي العاشقين طـوال
وصوت الريح وبرد الليل يزيد بقلبي طعونه
تعالي تونا بدري ومثلك عـارف الاحـوال
طواني الهم في بعدك وشكي زادت ظنونـه
يادنيا الروح ياليت الحب .. لعـب اطفـال
ولكن من دخل بابه كان الله فـي عونـه
جمال الحب ما يكمل بدون مشاهده ووصال
وترى قلب المحب جايع اذا ماشبعت عيونه
وجو الشوق متقلب ولا مره استمر في حال
وهذي قمة اللذه في بـال اللـي يعرفونـه
يشيل العاشق بقلبه وهموم العاشقين ثقال
يداري عنها بمزوحه وروحه حيل مطعونه
حبيبك لاتفرط فيه وبقلبك سُكـر الاقفـال
وخله فيه متربع يسولف لك عن شجونـه
تداخل روحك بروحه بنيتوا من المحبه جبال
ولو تغفى وسط عينه تحرسك رفة جفونـه

يعطيك العافيه بنوته على الأبيات الحلوه

_________________

الله يعطيك العافيه

الله يعطيك العافية
_________________

الله يعطيك العافية
مشكور ع المرور