تبون تعرفون شلفرق بينكم وبين مهند !!تعالواشوفو!!

قبل ما تقروا الموضوع احب اقولكم انوا الموضوع بس للضحك
ماله علاقه بالواقع هذا مجرد تسليه
يعني الزعــــــــــــــل مرفووض..

اترككم مع الموضوع تحياتي

- مهند -

يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :

( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )

- الأخ-

يرجع الخليجي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :

( بسرعه حطي الغدا ميت يوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )

.
.

- مهند -

نور حامل .. يا الله على الدلع ! خايف عليها من نسمة الهوا .. ويقولها :

( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب )

- الأخ-

مرت الخليجي حامل ! ومسكينه الحرمه متنسيه بـ تفاح اخضر .. عاد يقولها :

( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )

.
.

- مهند -
مهند طالع مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !

-الأخ-

الخليجي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..

وكل اللي قاله ( بسرعه خلصي .. ابي ألحق على ديوانية الربع ) !

.
.

- مهند-
قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )

-الأخ-

قام من النوم نص الليل .. ما شاف زوجته يمه .. فتح الليتات .. قام يصارخ :

( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )

.
.

- مهند-
قاعد يقرا كتاب .. وفجاه ياته نور .. لابسه فستان يديد .. وصار هالحوار ..

نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..

- الأخ-

قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :

الخليجي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
الخليجي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
الخليجي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!!.

يلا ابغى ردودكم يالاخوان

هههههههههههههههههه

تحياتي

الله يغربله

خرب على الناس معيشتهم

يكفي ان حصل طلاق كثير بسبب هالتفاهه

يعطيج العافية اختي

بنوته

_________________

msn > ab0_samra8000@hotmahl.com

هههههههههههههههههههههه

ليش تقول عنه كذا هو ماسوه شي

بس انتم ياااالرجال حقدين منه (الله يعينكم)

صيرو مثله مارح يصير لكم شي ابد

تسلم ع المرور الخفيف

بالمشمش نصير مثله

يبه هذا كله تمثيل انتوا ليش تصدقون ان فيه جذيه

يعني لا تحلمين بزوج المستقبل يسوي كل هذا

الله يعينج

_________________

msn > ab0_samra8000@hotmahl.com

هو انا ماحلامة تدري
ليش لانة لي بزوجني واحد من ابوزبر ومعرف طبعهم
يعني ماله داعي احلام في هذي الاحلام الورديه

وين يدلعها اذا اهي جذيه

الله يهديج بس

_________________

msn > ab0_samra8000@hotmahl.com

يهدي الجميع انشاء الله

مثل ما قال ابو حسام ترى هذا كله تمثيل بتمثيل يبه(المخرج عايز كدا) والمسأله سياسية اعلامية كبيرة على مستوى الدول الأسلامية وهي(مقصودة) لنشر التبرج والأنحلال الخُلقي بين فتيات المسلمين......

والحقيقة ان ديننا الأسلامي الحنيف اوصانا بمحبة زوجاتنا وبالرفق بالقوارير وهناك دلائل كثيره من الكتاب والسنة تشير الى الحُب والمودة والرحمه الصادقة نحو الزوجه ومعاملتها ...ففي قول الله تعالى " ومن آياته ان خلق لكم من انفسكم ازواجاً لتسكنوا اليها وجعل بينكم مودة ورحمة ان في ذلك لإآيات لقوم يتفكرون"...

أن العاطفة لها شأن كبير في الحياة الزوجية في الإسلام وقد أوصى وعزز الأسلام بهذا الشأن في مختلف النواحي الحياتية..ولكن للأسف نرى اليوم بعصرنا هذا كثير من الأزواج هداهم الله يتعاملون من زوجاتهم بقسوه وجفاء وكرب وكأن التي تعيش معه وبقربه مغصوب عليها أو تعمل لديه بأجر وهذا بحد ذاته ظلم للمرأة وهضم حقوقها من الناحية الأجتماعية ...

والحديث يطول بهذا الصدد ..أكتفي بهذا القدر اليسير.

شكرا بنوتة أبوزبر

_________________
للرجل العظيم قلبان : قلب يتألم وقلب يتأمل

والله ياخوي يابو عثمان كلامك كله صحيح مشكور

الحمد الله والشكر

كله خرابيط

يعطيييج العافيه حبيبتوو بنوتة

تسلمين ع المرور كتكوته

والله " مهند " قلب كيان الاسر

بس هذا طبعا كل تمثيل

بس في رجال يقدرون الزوجه

مشكوره " بنوته "

وعساج على القوه